पुणे : अखिल भारतीय मराठा शिक्षण परिषदेच्या अनंतराव पवार कॉलेज ऑफ इंजिनीअरिंग अँड रिसर्च आणि रोटरी क्लब ऑफ पुणे यांच्या वतीने ‘रोटरी वॉटर ऑलिम्पियाड २०१९’ या स्पर्धेचे आयोजन करण्यात आले आहे. एक आणि दोन मार्च २०१९ रोजी पर्वती येथील ‘अनंतराव पवार कॉलेज ऑफ इंजिनीअरिंग अँड रिसर्च’मध्ये ही स्पर्धा होईल.
यामध्ये पाण्याची कमतरता, पाण्याचे संरक्षण या विषयांवर महाविद्यालयीन विद्यार्थी, प्राध्यापक, संशोधक, या क्षेत्रातील तज्ज्ञ यांना शोधनिबंध, प्रकल्प सादर करण्याची संधी मिळणार आहे. उपस्थितांना या क्षेत्रातील तज्ज्ञांशी संवाद साधता येणार आहे. पाण्याची टंचाई, पाणी बचत, पाणी प्रदूषण अशा विविध विषयांवर मार्गदर्शन करण्यात येणार आहे. अशी माहिती महाविद्यालयाचे प्राचार्य डॉ. सुनील ठाकरे आणि प्रा. सागर गावंडे यांनी दिली.
